About Me

My photo
I long for freedom, and when I get it, I don't know what I'm going to do with it, but I will surely be happy.

Blog Archive

My Blog List

Sunday, May 2, 2010
اذا أي حدا بدو يقرأ،رجاءً ما يفهمني غلط


بس أنا بصراحة عندي فضول،و حابة جواب لتساؤلي هاد،و مؤمنة 100 بال 100 انو الا ما يكون في اجابة
هلأ العدّة للمرأة بعد الطلاق أو وفاة الزوج و اللي بتلزم المرأة بعدم الخروج

لمدة 4أشهر تقريباً،شو الحكمة منها؟

اذا احترام الحياة الزوجية و انها انتهت،فهل المرأة ما بتقدر تقدّرها و تحترمها و بنفس الوقت تطلع من البيت؟

طيب أنا بعرف وحدة الها متزوجة 3 سنوات و عندها بنتين،هي و زوجها كانوا أعظم قصة حب بشوفها بحياتي،الله يرحمو توفّى بالسرطان قبل فترة،طبعاً هي انهارت حياتها

أول اشي استغربت انها كانت تطلع عادي،بس بعدين فكرت فيها:طب يعني ما هي لو تضل محبوسة بهالبيت 3 أشهر مع ذكريات زوجها بتحاصرها و بناتها اللي وحدة سنتين و حدة أكمن شهر معاها رح تنجن!!!لو أنا محلها بنجن

و هي طول عمرها امرأة عاملة،أفقها واسع و فهمانة و رائعة بشغلها

في كل الحالات الأحسن الها انها تلتهي فيه عشان تتحسن مشانها و مشان بناتها

ما بيمرّ يوم إلا و بتبكي عليه ألف مرة،رفيق دربها تركها لحالها بهالدنيا فجأة بدون سابق انذار مع بنتين صغار،و صبرت و احتسبت ماشالله عليها

بس ليش لازم تنحبس بين 4 حيطان؟؟

عن جد نفسي أعرف شو حكمة ربنا،أنا متأكدة انو يا الو حكمة يا اما ربنا بيسامح اللي متلها

الله أعلم

9 comments:

alisameer said...

هو العدة مو عشان تحبس حالها الوحدة بعد ما يموت زوجها او تطلاق الها كتر حكم منها
تعظيم حق الزوج والوفاء له، والتأسف على ما فاتها من العشرة والصحبة معه.

معلوم أن الزواج نعمة في الدين والدنيا، فزواله مصيبة توجب الحزن، لما فيه من قضاء الوطر بالحلال والعفة عن الحرام، والعشير المؤنس، وصيانة المرأة نفسها عن السؤال لوجود المنفق عليها، وقد انقطع كل ذلك بالموت، فلزمها الإحداد إظهاراً للمصيبة والحزن ضمن الإطار الشرعي.

مراعاة شعور والدي الزوج وأقاربه بترك الزينة في هذه المدة، أو الخروج من غير حاجة، أو الزواج.

معرفة براءة الرحم في هذه المدة، فإن الجنين تنفخ فيه الروح عند مرور أربعة أشهر ويتحرك في بطن أمه، وقد يكون ضعيفاً فتتأخر حركته فزيدت هذه الأيام العشرة.
وبعدين لو ما في حداء يسرف علها بجوز تخروج وتشتغل بس بشرط تبيت بيتها

alisameer said...
This comment has been removed by the author.
Rain said...

أهلا^_^

أولاً:ليش المرأة ما بتقدر تعظّم ذكرى زوجها و بنفس الوقت تطلع؟أي ما هي البني ادمة بتبكي عليه دم كل يوم،بقلّك كان رفيق حياتها!
ثانياً ليش لازم الحداد كل هاي الفترة جوا البيت؟ليش لازم تعذّب نفسها بهالطريقة؟و ليش ما تطلع تشتغل مشانها و مشان بناتها يعني هي لما بدها تطلع ما بدها تروح تسهر ولا تنبسط ولا تشم هوا

ثالثاً...سوري بس شو دخل أهلو بالموضوع؟شو ذنبها هي تحبس حالها في البيت عشان مشاعرهم الثمينة؟؟؟؟؟؟؟؟؟طب ليش ..اذا هلقد زعلانين يقعدوا همّه بالبيت

رابعاً العلم تطور هلأ و المرأة بتقدر بكل سهولة تعرف اذا هي حامل أو لأ
بس يعني حتى لو كانت حامل؟شو يعني؟ليش ما تطلع؟

و أخيراً أنا ما بحكي عن الشغل عشان الفلوس،الشغل بيعطيها اجازة براتب بهيك حالة،بس البني ادمة ما بتقدر تضل في البيت بهاي الطريقة والله صعبة!!حط حالك محلها

alisameer said...

صراح هد كولاشي بعرفو انا بلموضوع مو حابب احكي شي يطلع خطأ عموماًانا رح اسأل حداء عندو هيك معلو مات و احكيلك

Rain said...

ok thank you^_^

sfo said...

إمليح إللي إحنا ما إلنا عدّة كمان
:sofera:

Rain said...

Sfo shreer!!LOOOL

sfo said...

يا حرامك

Rain said...

hehe:P