About Me

My photo
I long for freedom, and when I get it, I don't know what I'm going to do with it, but I will surely be happy.

Blog Archive

My Blog List

Sunday, December 5, 2010

بحب شعري...اذا في اشي بحب أدير بالي عليه فهو شعري
مبارح كنت بصالون بالصويفية..عم أستنى دوري في قسم المحجبات وبتفرج عالشب اللي عم يسشور للخالتو قدامي و فكرت أو لاحظت أنواع الصالونات في الأردن...صالونات السيدات طبعاً
لول
المهم
النوع الأول هو الصالون الفافي..متل اللي كنت فيه مبارح
مميزات هاد الصالون:لا يتواجد هاد الصالون الا في مناطق معينة هي أرقى مناطق عمان ..غالي..أسعاره أبداً مش متل الأسعار المتعارف عليها بالصالونات العادية
هاد الصالون عادةً ما بيكون فيه قسم للمحجبات بس لمّا يكون فيه بتحسّهم بيتفاجؤوا انه جد في محجبات بدهم يدخلوا عليه و يعملوا شعرهم...و بعدين لو شو ما كنتِ لابسة و مرتّبة ووضعك زينون بيحسسوكِ إنك من طبقة تانية لأنك محجبة
كمان هاد الصالون دايما دايما لازم يكون فيه واحد طنط..رابط شعره و لابس سكيني حينز و سنسال و دايما بيلعب بشعرو و بيحكي اشي مع البنت اللي بيسشورلها و بيضحكوا،هاد الشب بالذات أنا بيخف عقلي منّه...بحطّش بذمتي
تف تف تف

النوع التاني
صالون النساوين... دايماً أو غالباً بيكون جوّا بيت،أسعارة أرخص بكتير من النوع السابق
هاد النوع من الصالونات أنا بكرهه كرهاً مستطيراً و لكن هو النوع المفضل عند إمّي عشان هيك بضطر أروحلو أحيانا
اللي بيشتغلوا بهاد الصالون دايما فوق الأربعين..اذا عملتلك شعرك بتعمله زي كيف ما كانوا يعملوه سنة ألف و تسعميّة و خشبة..و هاد طبعا كلاسيك و ما بيتغير أو بتروح موضته و ممنوع تعترضي أو تشكّكي ببراعة الخالتو اللي عملتلك ياه...فاقصري الشر و ما تخليها تعملّك!
في نسبة 95 بالمية انك تنسألي عن خصائصك و انجازاتك و تتم خطبتك في هاد الصالون..هاي مشكلة تانية
بس ممكن ميزته الوحيدة لهاد الصالون هي إنة بتحسّي انك بالبيت..يعني مريح.. الكل ماخد راحتة و بيحكوا و بيضحكوا عادي و غالباً بتضربي صحبة مع الخالتوهات اللي هناك

الصالون التالت هو صالون الصبايا
هاد الصالون أسعارة منيحة،و عادة بيكونوا شطورات و بيفهموا عليكي شو بدك
بس مشكلتة..و ما بعرف اذا في حدا بيحس هيك غيري...دايما بحس انه هالصالونات مشبوهة..أو فيها اشي غلط أو مشبوه 
ممكن أنا غلطانة..بس عادة ما بحب أروح هناك كتير

و بث خلاث

12 comments:

Dr. N said...

Great visual description. You took there with you :)
I will come back to reflect more. Gotta run now to drink my coffee...just woke up.
:-)

w7l said...

كلامك صحيح ! انا بحس هيك كمان!! لأ بمزح و انا شو دراني ، بس على فكرة في منو الحكي بنطبق على صالونات الرجال ، يعني في صالون اللي ما بحلق فيه الا الختايره و قصاتهم موحدة للجميع من ايام حرب الشلاليط ، و فيه صالونات الطنطات و اللي هي بنفس الوقت بتكون غالية ، و فيه الصالونات الشعبية ، اللي بكون صوت الاغاني عالي و كل شباب الحارة موجودين داخل الصالون مش عشان يحلقو طبعا، و الحلاق بكون دواووين

طبعا انا ما بعمم هون!

الكيل بمكيالين said...

مساء الخير:
فيه منه هالكلام . أنا بانسبة جربت نوعين : صالون الخالتو و صالون الصبايا. بس الفافي ولا مرة رحت عليه. بس بفضل صالون الصبايا.
أنا بروح على صالون واحد من زمان صاحبته من (الصم) وبشتغلو معها ثنتين مثلها وهاد أحسن صالون بالحياة لإنها ما بتحكي وبتكتفي بالابتسام وبتعمل شغلها بسرعة وباتقان وما بتضطري تسمعي قصص نساوين وهبل وسخافات.
أحلى عبارة في البوست:
( ...بحطّش بذمتي ...تف تف تف )
يعطيك العافية والمهم النتيجة التسريحة حلوة ولا لأ؟

yosef said...

مساء الخير

شايفة هيّ دي بلدنا
خيّاراتها صعبة
ثلاثة احلاهم مرُ وعلقم

واختاري بعدين على كيفك ؟
مُنتهى الديمقراطيّة

انا بحكم عملي بقدر احكي عن الصنف الاول
صحيح 100% والمشكلة مش بالشباب الطنط
المشكلة بالصبايا اللي بتنطنطوا تنطنط حواليهم

وعلشان مخك ما يروحش بعيد انا مجال عملي في الديكور والتصميم الداخلي وانتِ عارفة صالونات الستات خاصة في عبدون والصويفية بيغيّروا الديكورات كتير
رزق الهبل.....وكًُلك نظر

مساء الفل

Haitham هيثم Al-Sheeshany الشيشاني said...

أنا بلوح على الثالون الفافي و بث
بلستيجي ما بيسمح بأأل من هيكا

*يوسف: يا زلمة كأبتني على الصبح!

لوول

ملاحظة: أنا مش الشب اللي تف تف تف ! أنا بلوح أعمل شعراتي هناك بس! و شكرا ً

Saleh said...

طبعاً أنا ما باعرف بالشغلات هاي، أي أنا صالونات الرجال باحاول تجنبها قدر الإمكان، مضطر أروح ثلاث أو أربع مرات بالسنة (الله يرحم أيام زمان لما كنت أروح مرة كل سنتين أو ثلاث)، و لكن حبيت أدلو بدلوي كالعادة:

ما افهمتش قصة الشب إللي في قسم المحجبات و بيسشور للزباين، كنت متخيل إنه قسم المحجبات ما بيدخله الجنس الخشن سواء كانوا شباب و إلا من فصيلة الطنطات لأنهم على علاتهم بيظلوا جنس خشن مهما عملوا - ع الأقل في نظر القانون

Rain said...

Dr.N
Thanks,I'm glad you liked it!
w sa77 el noom hehehehe

Doc.
you have to post the male version of it lol

Rain said...

Kiki
حبيت!!وين هاد الصالون؟حيكون صالوني المفضل الجديد!

و ما عملت تسريحة أشياء بسيطة بس
:)

Yosef
LOLحبيت التشبيه
و لوووول حلوة هاي رزق الهبل

مساء الورد صديق

Rain said...

Haitham
Was that seriously the imitation of a "fafy" guy????????????
LOOOOOOOOOOOOOOOOOOOOOOOOOOOOOOOOOL
msh 3arfeh ana 7assaito imitation of a 5 year old
HAHAHAHAHA..7ashashet 3laik!

Saleh
LOL @ you! of course I was waiting outside qesm el mo7ajabat in the main salon ya ragel because there was people inside and I was waiting for my turn :)

Saleh said...

That's make more sense to me now.
:shy:

Doomish said...

Last time I was inside men saloon was 6 years ago.
And the last time was as said by w7l, saloon sha3be

Rain said...

Saleh
Hehehehehe :D

Dot
tb sho bte3mel b sha3rak?m6awlo? *smiley sherreer*