About Me

My photo
I long for freedom, and when I get it, I don't know what I'm going to do with it, but I will surely be happy.

Blog Archive

My Blog List

Tuesday, March 15, 2011


متزكرين البريزينتيشن اللي قلتلكم كانت عليّ يوم الخميس و تأجلت ليوم الاحد
مش متزكرين بس المهم انه عملتها(أو حاولت اعملها) قبل مبارح
و ما تسألوني كيف مش حابة أحكي بالمضوع بس الموقف قلب زبالة بيني و بين الدكتورة
و ما كملت و مسكت شنتتي و خبطت الباب(جد منيح ما انكسر):رين شريرة: ا

المهم،يعني موقف متل هاد الدكتورة بامكانها بكل سهولة ترسّبني أو تحرمني من وراه
و انتوا يمكن استنتجتوا بعد كل الحفلات اللي عملتها اني خرّيجة...يعني مصيبة
المهم مش هون القصة
القصة هي انه لما بلّشت احكي للناس اللي صار و انه شكلي خريجة عالصيفي و أحّا
الكل بلّش يقلّي"هاي بدها واسطة أكيد!اتصلي بفلان و اتصلي بعلّان!!"..و لما جاوبتهم اني ما بحب ابعت ناس تانيين يحلّوا مشاكلي عنّي قالولي"احنا بلدنا هيك ماشية بالواسطة عجبك ولا ما عجبك"و لما قلتلهم خليني اروح اصلّح الوضع و بعديها بنشوف شو بيصير قالولي"سيبك من هالمثاليات احنا هيك فش اشي بيمشي الا اذا حسوا انو وراكي ناس"ا
هلأ انا طبعا أول مرة بعرف انه اتفاهم مع دكتورتي قبل ما ابعتلها واسطة مثاليات
و بعدين مش مسموحلي انتقد الغلط لانو كلشي غلط
و بعدين احسن استراتيجية بالحياة اني اتخبى ورا الناس التانية

مش عم اسوق شرف ولا عم اعمل حالي عايشة بالمدينة الفاضلة...بس في شغلات جد ابسط من انه ينحكى فيها...لا مش رح ابعت حدا يتفاهم مع دكتورتي عني
و اذا كانت مثاليات يعني؟والله اذا بدنا نضل نحكي هاي مثاليات رح نصفّي كلنا ولاد شوارع

و طبعا ممنوع احكي "التغيير بيبدا من عندك" هاي بطلت احكيها من زمان لأني بقلب مسخرة
لأني بصير متأثرة ببرنامج دكتور فيل و اوبرا
لأني بصير مش واقعية و بطلب كتير زيادة عن اللزوم
خلينا نضل نحكي هيك...اشوف هالحكي وين بدو يودينا

10 comments:

yosef said...

RAIN

SMILE YOU ARE N JORDAN

ما الهاش مثيل والتغيير ما الو سبيل

ربنا يهوْنها ويكون معاكِ

Wafa' said...

من دون مثاليات , لازم انت تتفاهمي معاها و شوفي كيف يصير و بعدين اذا ماصار شيء ممكن تستعيني باحد لانه حرام كمان يروح كل شغلك بسبب و احدة متعنته و بالذات اذا ماله دخل بالموضوع نفسه
المهم خلي دائما و ابدا كلمة " حسبي الله و نعم الوكيل " على فمك و باذن الله ربنا يجيبلك حقك
:)

w7l said...

على فكرة انا اكتشفت انه المشاكل مع الدكاتره كثير ابسط ممابنتخيل ! يعني صار مرة معي موقف تقريبا نفس الشي من ورا بريزنتاشن كمان و كنت انا بعتلوا ملف و من كثر مهو متخلف تكنولوجيا صار يبهدل فيه في المحاضرة بس انا بصراحة ما سكتت و تقلتها عليه بالاخر حلف انه يرسبني بالمادة ! المهم سمعت نفس الحكي الليحكولك اياه واسطة و من هالسواليف , بالاخر روحتلوا اخر الدوام و خرطت عليه كم خرطة من باب اني انا كنت متضايق من الصبح و انا لازم طولت بالي و من هالس اليف و الامور مشيت و حياتك حطلي اعلى علامة بالشعبة

بس في مصيبة ثانية انه احنا ما بنعرف القوانين , يعني في صلاحيات محددة للدكتور شو بقدر يعملو شو بطلعلو يعمل

د.ريان said...

يابر تنحل هالمشاكل رين

وتروق الدنيا وتحل عليكي السعادة

وترتاحي من همومهم

دمتي بود

Hana said...

مو قصة مثاليات بس الموضوع مو مستاهل واسطة لازم تكوني قد حالك واثقة من نفسك وانت تروحي تحكي معها وبالأخير انت بتكوني عملتي اللي عليكي وموفقة يارب

Haitham هيثم Al-Sheeshany الشيشاني said...

يعني طارت البعثة تبعتي؟

شكرا ً لجرعة التشاؤل

لووووووووول

*مركز أوي حضرتي بموضوع البوست ، بعرف

Rain said...

Yosef and Dr.Rayan
شكرا كتير لدعواتكم و كلماتكم اللطيفة

Foof
القصة مو قصة المشكلة بيني و بينها،ولا عم احكي عن طريقة حلها
أنا بس عم احكي عن ردود فعل الناس التلقائية لما احكيلهم هيك اشي
يعني الواسطة أول حل بيخطر ببالهم متخيلة؟؟

Doc
انو اه بالضبط بتروح تحكي مع الدكتور بتتفاهم معو مش بتبعتلو ناس من اولها الموضوع بسيط يعني
و قصة انه الدكاترة بيتحكموا بعلامات الطلاب عكيفهم بدون رقابة هاي حدث ولا حرج

Hana
yeah exactly :)
thanks amar

Haitham
Ummmm...OK LOL! 0_O

Wafa' said...

رين لانه احنا- زي ماقلتي- مجتمع يعتمد و يعيش على الواسطات و يمكن خطوة حل المشكلة بشكل مباشر و عن طريق بتساعد و لو بشكل بسيط بتغيير الفكرة من اساسها

Rain said...

sa77 :)

Anonymous said...

die Ohren fuhlen sich sehr heiss