About Me

My photo
I long for freedom, and when I get it, I don't know what I'm going to do with it, but I will surely be happy.

Blog Archive

My Blog List

Wednesday, March 23, 2011
بامكاني أكتب عن جود تدوينة كاملة هلأ و أديش انا حزنت عليها و أديش اللي صار كان ظلم الها و حرمان لفرصتها في الحياة و كسرة خاطر لأهلها و جريمة لا تغتفر و اللي طخ الطلقة أديش انه جبان و الله لا يسامحه
بس في اشي اهم من اللي صار،و هو اللي رح يصير،ما بدي احكي عن اللي مضى لأنه لا رح يرجع يتغير ولا اللي صار عمرو رح تخفّ وطئته بالعكس اذا أي اشي حتزيد
بدي أحكي عن اللي جاي هلأ
كم الشهر اليوم؟23-3؟
بدا الربيع
الربيع(في الاردن عالاقل)=أعراس،حفلات خطبة+نتائج التوجيهي(الثانوية العامة)+رحل صيد و طشّات و كل العالم والناس برة

بدي بس اناشد كل واحد معه سلاح...عسكري أو مو عسكري،مرخص أو مو مرخص...ايش ما كان و من ضمنهم أخوي و ولاد خالاتي و ناس كتير كتير بعرفهم... انه يعدّوا للألف قبل ما تطلع طلقة من عندهم
يفكروا بجود و باللي زي جود و يعتبروها متل بنتهم أو اختهم،يفكروا انه هالطلقة ممكن تغير حياة اسرة كاملة،ممكن تشل طفل عبقري أم تعمي بنت بريئة أو تقتل بيبي لسة بيرضع...بس بطلبكم تفكروا قبل ما تطلقوا النار و بعدها انتوا و ضميركم..0

احنا ساكنين في منطقة بتجتذب الرحلات بشك كتير كبير و فيها منتزهات و نوادي و حدائق العاب و صالات افراح لتقول بس
بدي اشوف هالصيفية اذا في حياة لمن تنادي ولّا خلص ماتت قلوبنا وانسانيتنا و اقرا الفاتحة عليها
بتمنى ما يخيب أملي

الله يرحمك يا جود ان شاء الله وفاتك تكون نداء صحوة لانقاذ حياة اطفال تانيين في المستقبل

5 comments:

UmmOmar said...

وصلت المعلومه

وأصلاتن صرت أخاف أحمل سلاح

:(

Whisper said...

ربنا يخلصنا من هالمشكله و ان شاء الله نكون عملنا واجبنا وما نقصر فيه ابدا و نضل نحكي ونكتب و نوعي لحتى نقضي عليها نهائيا

Saleh said...

لنتمنى الأفضل، و إن كان هالحكي أثر بواحد فقط بيكون نجاح لهالحملة، و إن أثر باثنين بيكونوا نجاحين، و إن شاء الله تكون المحصلة بالآلاف


ع الأقل ضمنا واحدة تبطل الطخ، سامعة يا إللي في بالي

د.ريان said...

صباحك خير رين

ويارب يرحم الطفلة ويكفينا شر

حمل السلاح واستخدامه

صباحكم ورد

Rain said...

Today we went to offer our condolences to Jood's mother,and I cannot describe the feelings we had when we saw her toys,clothes and pictures all over the place!

I'm sorry Um Omar and Saleh I cannot joke about this.

Thanks for stopping by everyone.