About Me

My photo
I long for freedom, and when I get it, I don't know what I'm going to do with it, but I will surely be happy.

Blog Archive

My Blog List

Saturday, May 28, 2011
1
مع إني مش كتير إنفولفد بقصة التصويت لموضوع كل شهر هاي بس حبيت أدلي بدلوي في هاد الموضوع بالذات(ما تخافوش المي اللي بدلوي مش باردة كتير)1

السؤال الوحيد اللي بيخبطني خبطا لما أسمع كلمة تأخر الزواج أو "العنوسة" عدم المؤاخذة هو مين اللي قرر إنو متأخر؟
معلش تحملوني أنا عايشة بعالم زهري شوي و عندي فكرة عبيطة إنو كل واحد بيقرر متى هو تأخر أو ما تأخر بالزواج..أو حتى بده ولا ما بده يتزوج

مش فاهمة ليش هالقصة كتير قالقيتنا و نازلين نعمل عنها احصائات و برامج توعية،مش فاهمة ليش الهدف من حياتنا التزاوج و التكاثر فلما حدا يتأخر أو ما يعمل هالخطوة لازم نأشر عليه و نحكي و نتوشوش

يمكن طلعت عن الموضوع أنا،بس رأيي هو التالي،بدل ما نحكي عن تأخر الزواج يلا نحكي عن ليش احنا كتير قلقانين بهاد الموضوع
قلة كثافة سكانية و نقص في المواليد يعني مثلا؟
أعطوني سبب وجيه واحد ليش هاي مشكلة كتير عظيمة و حقكم عراسي

Over n' out

9 comments:

Whisper said...

اولا لييييييييييييييييش بتصرخي :(

موضوع مين اللي حدد...انا بحكيه دائما على لقب " عانس" للشب و البنت
انو مين اللي حدد عمر "العنوسه" و مين اللي اطلق هاللقب اساسا و شو معناه و شو اشتقاقه؟؟؟

ما بنكر ان في ناس كتير و بنات بالخصوص موضوع الزواج هو هدف اساسي بحياتهم ولا بد من تحقيقه و همه اكتر ناس بعانو من موضوع العمر, لانهم بحسو انهم طولو و همه بستنو لان تفكيرهم بالموضوع بدا من همه صغار و من زمااان كتير
غير ان في اهل بربو بناتهم على فكره الزواج,, وخصوصي اللي عندهم موضوع جهاز البنت مثل في مصر, فمن هي صغيره و همه بحوشو و بشترو لجهازها فبتحس بالموضوع و الوقت اكثر

و بعدين ليش مش انفوفلد؟؟؟؟ مش عاجبتك الفكره؟؟؟ او مش عاجبك المواضيع؟؟؟

اذا في مواضيع في بالك يا ريت تشاركينا فيهم لنحطهم الشهر الجاي :)



و بس :)

د/دودى said...

اظن هى المشكله فرديه خاصه مش بمستوى عام بمعنى هى المشكله مش نقص المواليد و لا نقص المتجوزين هى الفكره فى الازمه النفسيه و ما ينتج عنها من كأبه و احباط و انسحاب مجتمعى فى البنات و عنف و لا مبالاه و سعار جنسى من ناحيه الشباب و بالتالى بيأثر بشكل او باخر فى المجتمع ...المشكله فى اللى مش لاقى مش اللى مش عايز ..هو الاخطر هو فشل كل تلك الدراسات و التوعيه -اللى طبعا اتصرف عليها ملايين- فى حل الازمه حتى الان...

Hana said...

:( الي ساعة عم بكتب و راح كلوا
المهم
انا معك انوا الشخص هو اللي بحدد امتى بدوا يتزوج وامتى بكون تأخر واذا اصلا بدو يتزوج او لأ
وعنجد نفسي اعرف مين اللي اخترع كلمة عنوسة فأذا عرفتي احكيلي :)
هلأ لية بقلقوا انا بتصور انو المشكلة زي ما حكت د/دودي انوا مو في اللي ما بدهم بس باللي بدهم ومو لاقين او مو عارفين وبتصور انوا قصة القلق سببها العادات والتقاليد والدين لأنوا عدم الزواج بسبب فراغ عاطفي كبير خصوصا مع تقدم العمر ولما شخص بلاقي كل الناس اللي حوالي واللي بحبهم الهم حياتهم الخاصة وتقريبا مو فاضين الوا والمشكلة اذا هاد الفراغ العاطفي ادى لأنوا الشخص يحاول يملي بطرق غير مشروعة لأنوا وقتها الناس ببلشوا يبعدوا عن الدين اكتر من ما هما بعاد وكمان ملئ هاد الفراغ بطرق غير مشروعة بأدي الى مشاكل وجرائم اخرى فمع انوا احنا دول ما بتطبق الدين كشرع او دستور ومع انوا حتى الزواج عنا ما بتم بالتسهيلات الأسلامية ومع انوا بكل امور حياتنا ما بنطبق الدين بشكل كامل يعني نص الشغلات على الدين والنص التاني على هوانا زي ما بنقول او طريقة تفكيرنا بـــس اذا فكروا البنات والشباب انهم يملئوا الفراغ بأي طرق قد تعتبر غير شرعية بناء على العادات والتقاليد (لاحظي مو بناء على الدين) بنسير بدنا نقتلهم او نقاطعهم على الأقل وطبعا هاي بتسير مشاكل اجتماعية وبالتالي تجنبا لكل هاد الحكي بنقلق بالزواج و لأنوا شبابنا والحمدالله لسة بفكروا زي ايام زمان وبدهم وحدة اصغر منهم بكم سنة بنلاقي انوا اغلب العلرسان بيركضوا وراء بنات العشرينات وهاد الشي بس بيزيد الضغط على البنت اللي حابة تتزوج واللي ما بتأمن كفاية بالنصيب انوا لازم اتزوج وانا بالعشرينات وكمان من هاي الزاوية بزيد ضغط الأهل يعني بتصور اغلب البنات لما كانوا بأول العشرينات بتركوا بناتهم يدللوا .. نص العشرينات دللي بس في ضغط لما ترفض ,ضغط مبطن زي فكري مرة تانية او فكري منيح او العريس لقطة .. الخ بس بعد ما تخلص العشرينات بسير ضغط جماعي عليها وفي بعض العائلات اذا خلصت العشرينات بجبروها تتزوج اول عريس بيجي !!
بـــس

Doomish said...

Statistically speaking, marriage is a failed Institution.
This phobia was engraved in girls and boys since early ages.
The welfare and economic situation is a major factor locally for 3onoseh, and personally speaking, I'd rather stay single, all my married friends are getting divorced by the truckload. And none are encouraging others to get married.

@dina
What you said about sexual tension may be applicable in Egypt, but generalizing that across the board and limiting it to males only is extremely annoying and offensive.

سراج الماضي said...

تأخر سن الزواج مشكلة يا رين

هذا التأخر اله مساويء كثيرة في المجتمع، فالزواج عندما يكون على أسس صحيحة هو أستقرار للشاب والفتاة وتقدم للمجتمع، وإلا لما كان الرسول صلى الله عليه وسلم حض على الزواج المبكر وصيانة النفس والمجتمع

ولكن أنا أتفق معك في عدم تحميل القضية فوق ما تحتمل، بدل كثرة الدراسات التي لا تسد ولا تغني عن جوع، الأفضل المساهمة في أفعال تساعد الشباب و البنات على الزواج وبناء أسرة سعيدة ومتوازنة

وعدم إلقاء اللوم على الشاب او الفتاة اذا تأخر زواجه، وعدم " تقززيه حياته" من كلام الاهل والمعارف

الله يسهل أمور العالم ويساعدهم في حياتهم ونفرح فيكم كلكم :)

Aseel said...

"يلا نحكي عن ليش احنا كتير قلقانين بهاد الموضوع
قلة كثافة سكانية و نقص في المواليد يعني مثلا؟
أعطوني سبب وجيه واحد ليش هاي مشكلة كتير عظيمة و حقكم عراسي"

LOOOOOOOOOOOL

والله مزبوط كلامك مش فاهمة ليه كثير قلقانين.. مع إنه فيه أشياء يحكوا فيها ويطلعولها إحصائيات أهم بكثير غير هاد.

أنا رأيي السبب الوحيد اللي عامل من هذا الموضوع مشكلة هو الثقل الاجتماعي على الفتاة والشاب في هذا الموضوع. لا أكثر ولا أقل. ولا ارتفاع مهور ولا ارتفاع أجور ولا بطيخ.

LUNAR. said...

انا بقوللك شو سبب هالمشكلة

لأنه العالم من حوالينا هو عبارة عن لجنة تحكيم كبيييييييييييييييييييييييييييييييييرة

ودايما بدهم يمشوكي زي ما بدهم , وما برتاحوا غير لما يشوفوكي ماشية هيك

كلّهم بهكلوا هم انه البنت تتجوز , بس في حدا بهكل همها اذا طلع جوزها حفاية - بعيد عنكم ؟

المهم انها انسترت وتجوزت , في بيتها الله لا يقيمها , حتى لو بضربها وبهينها وبروّح نصاص الليالي ومش مخلّي اشي يعتب عليه

المهم انه البنت تتجوز

Devil's Mind said...

Well said LUNAR. Actually all the commenters made good points.

أعطوني سبب وجيه واحد ليش هاي مشكلة كتير عظيمة و حقكم عراسي

Well, I guess the religious folk would say adultery. I personally wouldn't call this "sabab wajeeh", but that's how most people think.

Another reason, which actually makes more sense, is that people -especially women- who grow old without getting married are usually unhappy. But if you want my opinion on this particular point, the solution is definitely not rallying up to get married before it's "time up"!! Society needs to accommodate those people. They should not be viewed as social outcast, they should not be avoided for marriage, and they should be given more liberty in pursuing happiness.

In other words, the problem exists and is real, but the solution that is provided is misguided and problematic.

Anonymous said...

dans le seul cas ou il la vit faire,