About Me

My photo
I long for freedom, and when I get it, I don't know what I'm going to do with it, but I will surely be happy.

Blog Archive

My Blog List

Thursday, November 3, 2011



بحسّ أحياناً إنّا بننسى ان الناس اللي بنشوفهم بيموتوا كل يوم بالتلفزيون همة ناس عن جد، بحسّ انو لا شعورياً بنحب نتخيّل انو هاد كلّو كاتشاب ولما تنطفي الكاميرا بيقوموا و بيروحوا عبيوتهم..أنا بحسّ هيك...بحسّ انو جزء منّي ما بيقدر يسدق انو كل هالبشاعة عم تصير في العالم
بس بالنهاية مهما كذبت عحالي فالناس جد عم تموت،و بكل بساطة عم تموت
شباب أطفال مسنّين...بيموتوا!...واحنا وصلنا لدرجة انا نسوي حالنا مش شايفين أو مش مسدقين

أنا شخصياً ما بحب العيد ولا بهتملّو كتير،ومش اني بحب أسم بدن أو ما بيعجبني الناس تفرح
بس أحياناً بحسّنا بطرانين وأنانيين لدرجة العمى...أو عالأقل بحس أنا هيك،بحسّ اني بنسى أحزن أحياناً مع انو في كتير أسباب اني أحزن
بدي أذكّر حالي بكلّ بساطة انو الناس بتموت وبتجوع وبتخاف وبتعاني وبتضيع فكل الدنيا
وانو هاد الحكي عم يصير في هاد العالم مش بعالم تاني...ببشر متلنا مش بكائنات تانية
الناس عم يندلق دمها بالشوارع والأطفال بيموتوا من العطش بني ادمين عايشين بلا ضو ولا مي ولا أدنى أساسيات الحياة
واحنا ما عنا فكرة
جد ما عنا فكرة

يا رب تكون معنا

4 comments:

Aseel said...

كلامك مزبوط يا رين.. بكل شيء والعالم أبشع مما تتخيليه وكمان أبشع بكثير مما يعرض على التلفاز. يمكن اللي عايش حرب أو تبعات حرب بعرف تماما عن شو أنا بحكي

بس الحياة بتستمر بالرغم من كل البشاعة اللي بتصير. ولا هادا مش كاتشب وهدول ناس حقيقيين يمكن إحنا ما منعرفهم بس هدول أبناء وأخوان وآباء آخرين بعزوا عليهم وعرفوا معنى خسارة شخص في حرب.. ومع كل هالحزن الحياة بتستمر وراح تظل تستمر إلى أن يشاء الله

القصد مش عيب تفرحي شوي مع كل المعاناة اللي بنعيش فيها. يمكن فرحة العيد هو الشيء الوحيد للبعض اللي بخفف عنهم معاناة تدوم على مدار السنة وبساعدهم ينسوا المر اللي ذاقوه.

يا رب كن معنا دائما. آمين

UmmOmar said...

الناس اللي بتعمل فيهم هيك
مصرررررررررره ما تخلينا إنركز حتى ف مناسباتنا
انا بصدق كل الدم,, وبصدق كل شي
وكل عيد,, مابعرف أعيد من وراهم
الله يرحمهم ويخفف عنهم يارب

Bulet said...

ومايزيد في النفس حسرة هو أن يأتي احدهم ليتفلسف بثقافة الحياة
أو يستغل دماء هؤلاء الأبرياء ليبسط نفوذه

دنيا ملخبطة يا خيتي والنفوس عم تفسد
ماحدا بيحس إلا إذا هوي انصاب
لو شاف ابنو عمرو 3 شهور ملفوف بقماش أبيض أو حدا من أخوتو مقطع عالأرض كان حس وغضب
بس لأنهم مش منو بتشوفيه بيحط كاتشب ع هالسندويشة وبياكل ! وشهيته مفتوحه !!...اللي إيدو بالنار مش متل اللي ايدو بالمي!

كان الله في العون..
*
لازم احكي لك أنو اشتقتلك ولمدونتك
(:

Rain said...

Aseel
معك حق الحياة بتستمر
بس برضو بتستوقفنا كل فترة والتانية :(

أم عمر
امين يا رب

فرح
جد اشي بيحزن،يا رب يخلصهم يا رب

وأنا اشتقتلك حبيبتي
وينك مختفية