About Me

My photo
I long for freedom, and when I get it, I don't know what I'm going to do with it, but I will surely be happy.

Blog Archive

My Blog List

Sunday, November 6, 2011
كل عام وانتوا بخير
يعني أنا مش من عشاق العيد، بس عم أفكر انو العام الماضي كنت تقريباً بني ادمة تانية
ما كنت أعرف ايش بيستناني وشو الله بدو إلي
وما بحب عادةً أحكي انو خلص أنا عارفة كلشي
أنا مو عارفة ولا اشي ولا بعرف شو حيصير بكرا حتى! بس ببساطة مبسوطة الحمدلله ومتوكلة عالله

بعرف انو حكي ممكن يبين مبتذل ومكرّر، بس أحياناً جد ما بنعرف الله شو حيبعتلنا وكيف حياتنا رح تتغير وتنقلب تماماً ونوصل للسعادة عن طريق اشي ما تخيلناه أبداً
مشان هيك الواحد لا يقلق ولا يغلّب حالو كتير لأنو جد في شغلات بتكون نصيب

حلوة هاي كلمة نصيب كنت أحسها كلمة للنسوان و بيحكوها مشان يبرروا كلشي بيفشل
بس طلع جد في اشي زي هيك...قوة خفية بتخلي كلشي سهل وميسّر وبتخلي البني ادم مرتاااااااااااااح ومتطمن وعارف انو
this is it

خلص بيكفي تفلسف وصلت الفكرة
كل عام وانتوا بألف خير وانشالله كلكم تكونوا مبسوطين ومرتاحين
ضلّوا ادعوا لأهل الشام الله ينصرهم ويخلصهم يا رب،كل عام والشام حرّة

7 comments:

w7l said...

Elsora 7iloweh ;)

Finalway said...

كل سنة وانتي سالمة ..

وان شاء الله السنة هاي خير عليكي وعلى امة محمد ...

وطالما الواحد رامي حملوا على رب العالمين ما يخاف ..
ويتوكل عليه ..

حاسس في نبرة تشاؤم بكلامك ..

ما تتشائمي من اشي ... وشو بعرفك يمكن بكرة احلى ..

Wafa' said...

كل عام و انت بالف خير و صحة و عافية و سعادة كبيرة كبيرة و رضى اكثر يارب
:)

نيسان said...

بما اني من "النسواااان" فأنا اوافق بشده على نقطة النصيب
:)
كل عام وانتي واحبتك وعائلتك بألف خير يا بطتي
"
عم ندعي كل يوم لاهل الشام الله يخلصهم ويفرجها عليهم...
يوم عرفه بالذات اغلب دعائي كان لهم

White Freedom said...

كل عيد أضحى وانتِ بألف خير
والنصيب أنا مثلك بعتبرها شيء قوي جداً وكله رزق من الله
ودائماً اذا كان في حاجة ولا صارت من نصيبي اتذكر هذه الآية وأرتاح كثير
بسم الله الرحمن الرحيم ( (وَفِي السَّمَاءِ رِزْقُكُمْ وَمَا تُوعَدُونَ
) صدق الله العظيم , احس بعدها بالراحة ولا أزعل أو اي شي اذا ربي ماكتب لي هذا الشيء

Rain said...

m7md
sank u sir

Jehad
أبدا ما في تشاؤم الحمدلله في توكّل على الله بس
تسلم يا صديقي

وفاء
يا رب وانتي أكتر يا أحلى فوفو

نيسانة
loooooooool
آمين يا رب
:***

White Freedom
أهلا حبيبتي
تماماً سبحان الله،الواحد ما بيعرف شو الله كاتبلو
:)

Anonymous said...

toujours parfaitement regulieres,