About Me

My photo
I long for freedom, and when I get it, I don't know what I'm going to do with it, but I will surely be happy.

My Blog List

Friday, December 2, 2011
معلش لا تشتكي من الواسطة
وما تحكي انو في فساد
لا تسب على الشوارع السيئة والمرافق المهرهرة
ولا تدعي عاللي بيرفع الأسعار وبيغلّي البنزين
ولا تقول ما في فرص عمل بهالبلد
ولما تنسرق الملايين لا تفتح تمّك
ولما تتاكل حقوق الناس لا تعترض
ولما بعينك تشوف الظلم لا تتخنفس

لأنو بالنهاية لما أكمن شب بدهم إصلاح وبيحكوا وبيوقفوا وبيطالبوا بتطلعلهم انت وبتحكيلهم يا عمي عنا أمن وأمان واحنا أحسن من غيرنا..يا عمي لا تعمللولنا فتنة..يا عمي لا تعمللولنا أزمة عالداخلية...يا عمي وجع راس وعالفاضي...شو هالزعران اللي بدهم يعملوا بلبلة

معلش...اسكت ولا تتفلسف ولا تتشكون اذا فعلاً عاجبك الوضع وما بدك حدا يحتجّ..هاد أقل اشي بتقدر تعملو

لأنو ما في اشي بيجي بالساهل! بس انت هيك بدك كلشي يتصلّح من حالو بدون احتجاجات ولا مطالبات بالاصلاح
اذا خلص عيرنا سكوتك

شكرا :)

3 comments:

EvaLuna said...

ow bel rebdawi el fa9ee7: EnCHAbb!!

Rain said...

Yep yep that's the word

Haitham هيثم Al-Sheeshany الشيشاني said...

:سمايلي ساكت: