About Me

My photo
I long for freedom, and when I get it, I don't know what I'm going to do with it, but I will surely be happy.

Blog Archive

My Blog List

Monday, March 12, 2012
وأنا صغيرة ماما كانت دايما تجيبلي مجلة "أحمد"، بعرف إنو المعظم كانوا يقرأوا "ماجد" ويفضلوها بس أنا كنت أحب مجلة أحمد كتير كتير خصوصاً إنها فعلاً هادفة وبتعلّم أشياء حلوة ويا ريت لو إنها لسة تُنشر لأنو بتصور لو ألاقيها برجع بقرأها متل و أنا زغيرة، المجلة كانت بتتضمّن شخصيات متل مُهتدي إللي دايما كان يغلط بس بالنهاية يصحح غلطو ويعمل الإشي الصح، وعارف إللي دايماً عندو معلومات حلوة ومفيدة، والمفتش زكي اللي كان يحقق بجرائم، وفشكول وزهرة وأحمد وشخصيات كتير.ا

 بس أكتر شخصية كنت أحبها هي مفتش اللغة اللي هو كان زي محقق لما يشوف خطأ لغوي بيصححو ودايماً بيكون معو كائنات هي عبارة عن كلمات أو أحرف أو حركات..جد كان إشي رائع

أحياناً بتمنى لو في مفتش لغة جد لأنو الناس جد جد وبدون مبالغة بطلت تعرف تحكي عربي...ما عم أحكي عن حالي سيبويه أنا إلي 4 سنين مش ماخدة عربي وبغلط أكيد في قواعدة وإملاؤه خصوصا الهمزة...بس يعني إشي ومنو...يعني الناس جد ما بتعرف تحكي فصحى! ليش؟
في ناس بتقول إنو هاد التطور الطبيعي للغة وإنو إلا ما تتغير وتتحول لإشي تاني بس شكلو أنا في حالة نكران وعدم تقبّل لهاد التغيير لأنو برأيي اللغة العربية الفصحى رائعة الجمال...عبارة عن بحر عمرو ما بيبطل يذهلك ويحرك مشاعرك...وبرأيي خسارة نترك كل هاد الجمال ونخسر وحدة من الأشياء الحلوة القليلة إلي ضلّت فينا

يا ريت في مفتش لغة جد

2 comments:

Haitham هيثم Al-Sheeshany الشيشاني said...

تدوينة على مزاااااجي
:)

يا ليت بالفعل

لغتنا المعطاء تئن

و نحن "نطنش"
:(

Rain said...

Glad u like it Haitham..
Translators in particular are the ones who make me sad and mad...they do not consider it necessary to know Arabic grammar! t5aiial