About Me

My photo
I long for freedom, and when I get it, I don't know what I'm going to do with it, but I will surely be happy.

Blog Archive

My Blog List

Tuesday, September 25, 2012
هداك اليوم كنت بقرأ عن مبادرة بلاش كيس عالفيسبوك، جد ما كنت مستوعبة ولا منتبهة على أديش بستخدم أكياس  قبل هيك، ولما بديت أنتبه انصدمت بكميتها
حاولت في الأكمن يوم الماضيين أقلل بس لقيت الموضوع أصعب مما اتخيلت...يعني عمستوى لما اخد ساندويش وفواكة معي عالشغل الصبح هي كيسين لا بد منهم
في الشغل بستخدم كمية محارم هائلة لأنو عدم المؤاخذة عندي حالة برابير مزمنة لا شفاء منها..وهيك بيتعبى كيس السلة اللي جنبي بسرعة خيالية
بشتري شغلة من السوبر ماركت بيعطوني اياها بكيس بدون حتى ما أنتبه
هاد كلو بس بشكل عام لاحظتو يعني لسا في أكتر
مشان هيك قررت أحاول أحط الفواكة والساندويش بنفس الكيس الصبح وأستخدم الكيس أكتر من مرة، وممكن مشكلة المحارم صعبة تنحلّ، بس رح أحاول أقنن استخدامي إلها انشالله
ومش رح اخد كيس من الدكان كمان

أحيانا لما يكون الجو صافي الصبح بشوف خط أفق عمان كيف صاير ضارب للسواد وبينسم بدني
بيكفي إني بشارك بتلويث البيئة بسيارتي ففرصة أعوّض شوي

بتمنى أي حد بيقرأ هالبوست يحاول معي كمان يخفف الكياس لأنو عمان بلشت تعاني أزمة بيئية وهاد اللي ناقصها مع كل النهب والجهل والفساد اللي معشش

ودمتم بخير

3 comments:

Shrouk said...

ممكن بالنسبة لفطارك في الشغل تستعملي علبه بلاستيك ( بس اختاري نوع كويس علشان تتجنبي الاضرار ) وبكده هاتتخلصي خالص من موضوع اكياس الفطار
الينك ده في معلومات مفيدة عن كيفية اختيار العلب والزجاجات البلاستيك
http://shadipal.com/vb/threads/7653-%D8%B1%D9%85%D9%88%D8%B2-%D9%85%D9%87%D9%85%D8%A9-%D8%AC%D8%AF%D8%A7%D9%8B-%D8%B9%D9%84%D9%89-%D8%A7%D9%84%D8%B9%D8%A8%D9%88%D8%A7%D8%AA-%D8%A7%D9%84%D8%A8%D9%84%D8%A7%D8%B3%D8%AA%D9%8A%D9%83

بالنسبة للسوبر ماركت ففي شنط بتكون قماش وكمان سهل تتطبق وتتحط في الشنطة او العربية (متوفرة عندنا بكثرة في مصر في محلات الادوات المنزلية مثلا معرفش عمان نظامها ايه:) )ممكن تبقي معاكي في العربية ولما تشتري الحاجة تحطيها فيها:)

نيسآان said...

لازم يفرضوا على المولات والسوبرماركت انهم يبيعوا الاكياس وهيك الناس بتتعلم انها تاخذ معها شنطه للسوق ...هالشي مطبق في معظم الدول المتقدمه وناجح جدا
الكيس النايلون يُباع بنص يورو تقريباً"

Rain said...

shrouk,
shokran kteer! very helpful!

Naisaneh,
bardo e7na lazim na5od mobadrah a7ianan w ma netanna el 7koomeh te3mel kolshy