About Me

My photo
I long for freedom, and when I get it, I don't know what I'm going to do with it, but I will surely be happy.

My Blog List

Sunday, October 28, 2012
شو صايرة أكره الأطفال
بحسهم كتل برابير ووسخ بتركض بسرعة خارقة مشان تدمر كل اشي في البيت أو تزعج الناس بأكبر قدر ممكن
ومشان الله ما حد يحكيلي عن سحر الأمومة والمشاعر الأبوية الرائعة، مش قادرة أتخيل فكرة إنو كائن يعيش في بطنك 9 أشهر وياكل أكلك وياخد دمك زي الدودة وبعدين يقرر يعرضك لأقسى أنواع الألم وهو بيطلع...وكأنو هاد الإشي ما بيكفي لازم بعديها يضل ملزق فيك 18 سنة تضل تطعميه وتعمل منو بني ادم
no thank you!

ولا الي خلق عالأطفال وأكره ما علي الأهالي اللي محملين حالهم جميلة انهم بيربوا ولادهم وبيصرفوا عليهم...حدا غصبكم تجيبوهم؟انطموا واسكتوا
وبعدين كل أم بتقرر إنو ابنها عبقري ورح يطلع أينشتاين العرب ومع انو ما بيركز بالمدرسة وبيشل عرض معلماتو بس هو اكيد اكيد معدل ذكاؤو خرافي بس انتو شو بيعرفكم
ومشان الله لا تفرجوني صور ولادكم بعرف انهم أحلى أطفال في العالم وكل ما تودوهم مكان بينحسدوا وبيوقعوا عراسهم

المشكلة الأمهات عايشات دور التضحية والأمومة وبتلاقيهم بالمولات رابطين ولادهم بحبل، ما بعرف اذا حدا بيشوفها بس انا صرت شايفيتها كذا مرة انو رابطة ابنها وماشية وهو وراها زي كأنو حيوان... اييييييييييييييش بالنسبة؟ ومكيفة عحالك؟
وبتلطخو كف قدام الناس بعدين بتستغرب انو خجول
وبتضل تقارنو بابن عمو اللي معدّلو أعلى وبتستغرب انو نفسيتو حقودة
بتقمع عقلو وبتحكي أكبادنا تمشي على الأرض
أي مشان الله

وبيقلّك جيبي ولاد أحلى شعور في العالم
لأ ما بدي أجيب كمان عالات عالعالم اللي فيو سلفاً كمية مفرطة من الأغبياء والمعاتيه
لسة لو الواحد يربي طفل يتيم عالأقل بيشيل حمل عن الكرة الأرضية بدل ما يزيدو

بتطلع عالأطفال اللي حوليّ وهيك بقدر أحكي كل واحد شو حيطلع
موظف طفران
ست بيت بكرش
بنت حلوة وعقلها فاضي
عطال بطال

والله نفسي أحكي اني شفت حدا أثبتلي العكس بس لحد الآن أنا متأكدة انو الأولاد ما بيجيبوا غير وجع القلب وقررت تماما اني ما أجيب منهم اذا عمري تزوجت

8 comments:

Aseel said...

هههههههههه رين أنا كمان بكره الأطفال.. يعني ممكن أستحمل ساعة بالكثير بس اكثر من هيك لااااااااأستطيع...

وكل شي حكيتيه مزبوط عن الأمهات

بس بالآخر أنا بحكي الله أعلم يعني احنا ما بنقدر نفهم شو التخبيص والازدواجية في التربية الله يعين أولادهم عليهم إلا لما تصيري أم... فلا تلوميهم الله أعلم بكرة بتصيري أم بتصيري تفهمي وضعهم أكثر وبتقدري تحكمي إذا كانوا منفصمين عن جد أو -بدي أحكي عقلانيات- بس خلينا نحكي إنه بنصير نقدر نفهمهم

yosef said...

صباح الخير لكما سارة واسيل
وكل عام وانتما بالف خير

معلش تحملوني الله يرضى عليّكما ويسعدكما
شويّة انا عارف رح تسموها فلسفة زايّدة

ليس المُضاد لكلمة احب ....في اللغة العربيّة اكره
والكراهيّة هي ّكلمة قاسيّة جداً لا تتواجد في قاموس الانسانيّة الا لاعداء الانسانيّة فقط

لذلك اجد من القسو ة ان نبدأ حديثنا عن الاطفال بكلمة اكرههم
وممكن الاستعاضة بكلمات مثل لا احبهم ...لا استلطفهم ...لا اتحمل ثقل دمهم ,,,الخ

الآن الى جوهر الموضوع
اتفق معكما ان اغلب اطفال اليوم ليسوا اطفالا بالمعنى الحرفي للكلمة فهم اطفال فقط لتلبية طلباتهم الكثيرة والغير منطقية وعدا ذلك فهم من الاشرار الذي نراهم في افلام الكرتون

السبب واضح جدا ....
غياب الام والاب والاخ والاخت الاكبر عنهم ووجود اكثر من 50 الف مربيّة فلبينية وبنغالية وسريلانكية تحت مسمى شغالة بدلامن ان تمارس شغل البيت تمارس هيّ عدوانيتها على الاطفال وهم يردوا لها الصاع صاعين

السبب التلفزيزن وبرامج الشر ومعاملة الاخرين من خلال مقالب بمن فيهم كبار السن ...ألخ

والسبب الاخير
انه رغم كل ما تراه الام من وقاحة وقلة ادب من ابنها الا انه الافهم والاذكى والاكثر اخلاقا وادبا والاجمل ....الخ
وعلى راي المثل
القرد بعين امه غزال

ادرك معاناتكما وخاصة على العيد وقد كتبت عنهم اكثر مما كتبتوا ولكني تجنبت كلمة الكراهيّة فانا احبهم لان الكثير منهم لا زالت براءة الاطفال في عينيه ويجبرونك على ان تتعلق يهم وتتمنى ان تقضي باقي عمرك معهم

دمتما بخير

Whisper said...

هدي اعصابك يا قطوره

انا عكسك تمام .،يدمرو و يخربو على قلبي زي العسل
بضوج و بقز و مرات بكون نفسي الزقه بالحيط بس شعور لا يتعدى ثواني لانه بنظره من هالطفل قلبي بدوب بضمه ببوسه خلص بنتهي كل شي

بعرف ان فتره العيد بكون في تركيز زناخه و فوضى وخصوصي ببت الجد وكل الاحفاد بجتمعو بنفس الوقت بس برضه بجنن :)

طولي بالك يا قمر فتره و ﺑﺘﻤﺸﻲ

Haitham Jafar said...

1stly thanks to Yousef :)

2ndly = tanshoOoOoOoOooOoOOOOOOOOOOOOOOOf :D

Um Ommar said...

كل عام وإنتي بخير يا
"كتله البرابير"
وإلا نسيتي طفولتك الجميله ؟؟ هههههه

sab7al5air said...

طيب يعني لو ممكن ادخل علي طول يعني خلينا نتفق انه مش اي زول مفترض يقا ام واب بعضنا يصلح ليكون خال عمه يعني يساهم في التربية بصورة جزئية م بعيد لبيعد اغلب الكلام انا اوافقك عليه بس افتكر انه انا كده لا استلطف الاطفال علي قول يوسف عشان انا بكرة احساس التقييد و المسؤوولية بالاضافه للصورة المرعبة ل9 شهور من التلازم بينك وطفلك داخلك كمان يعني ماف مفر ولا فترات استراحة
تحياتي

Rain said...

Aseel,
هو طبعا الواحد سهل يتفلسف وهو مش مجرب بس انا صراحة مش ناوية اجرب

Yodef,
أكيد مو قصدنا كره بمعنى حقد
:)

Whisper,
والله شكلك الك طولة بال انا صايرة متل الختايرة

Haitham,
LOOOOOOOOL mashy

3dooleh,
loooool m2booleh minnik
ana allah tab 3lai hassa3

sab7al5air,
صحيح طبعا
:)

Haitham Jafar said...

*printing this post + comments as a gift for yr kiddos* :))