About Me

My photo
I long for freedom, and when I get it, I don't know what I'm going to do with it, but I will surely be happy.

My Blog List

Saturday, July 20, 2013
بقدملكم أحدث نظرياتي.. "متلازمة العروس" هاد المرض يصيب الفتيات اللي بيخطبوا فور إعلان ارتباطهم، أسبابه لا زالت غير معروفة ونتائجة مدمرة وأعراضه كما يلي
أول عرض وأكثر عرض شيوعاً هو وضع صورة الدبل على الفيسبوك، وبتكون هاي الصورة ايدتين فوق بعظ لابسات المحابس وحدة كلها شعر ووحدة عاملة منكير جديد لساتو ما نشف وتحدد هاي الصورة كبروفايل بكتشر ويتم كتابة كابشن: ييس آي دو
لوووول

العروس المصابة أول ما تخطب بتصير تدور لصاحباتها على عرسان، قال إنو إيش هي هلأ ترفّعت للطبقة الأعلى ولازم تساعد الآخرين ليلحقوها
وفجأة بتصير شريفة مكة، وبعد ما كانت تعجّب بزماناتها بتصير تتفلسف عإخواتها وصحباتها ليش بيلبسوا جينز، يرحم أيام لما كنتي تلبسي الفيزون الرش
في عرض آخر من أعراض هاي المتلازمة، العروس المصابة بتصير كل يوم تفوت عبروفايل خطيبها أو جوزها عالفيسبوك وبتكتبلو: الله يخليلي اياك يا روحي حياتي قبلك كانت عذاااااب، وهي بتكون إلها بتعرفو 3 أيام، وطبعا كل يوم صورة شكل والكابشن: مي أند ماي بيبي، كل هاد في محاولة لإثبات أنها استطاعت اصطياد عريس، وطبعاً إنها تقنعنا إنهم أروع كبل في العالم وبيشروطوا رومانسية وحب، عادي بإمكانك ترني عليه تلفون أو تبعتيلو مسج تقوليلو بحبك، مش ضروري تكتبيلنا  اياها عالفيسبوك، إحنا شو دخلنا؟ وطبعا لازم الستاتس اقتباس من "الأسود يليق بك" أو أي إشي من تفاهات أحلام مستغانمي
 العروس.. فجأة بتصير بتفهم بالواجب والأصول بعد سنوات من اللامبالاة والتطقيع للدنيا، يم تاني يوم من خطبتها أو عرسها بتصير تحسب مين باركلها ومين ما باركلها ومين اجا ومين اتصل وبتبلش تعتب قال.. يرحم جدك مبارح كنتي أم بربور ، يعني هلأ 
فجأة صرتي حاسة حالك إشي فظيع ولازم كلنا نهويلك؟
وقال بتصير تعطي نصائح بالحب والعلاقات كونها النموذج المثالي في هاد المجال واحكي مع هاد وتحكيش مع هداك، وكل ما تقوليلها عن إشي بتصير تقلك: اهم إشي التفاهم.. يعني مثلا أنا وخلدون كتير متفاهمين وبنموت في بعض مشان هيك حياتنا رائعة، ولازم تحشر أنفها فكلشي عأساس هي الكبيرة والحكيمة
صراحة مش عارفة إيش سر هاد المرض بس عم أحاول أتجنب أنعدي، النسوان في كل مكان!!!1
وأخيراً وليس آخراً، أي حدا بيفوت هالمدونة وبيقرأ هالبوست (مع إنو ما اظن في حدا) لا ياخد الحكي والبوست لا يعني إني بزت الكلام لحدا
واللهم إني صائم لووووول

4 comments:

Whisper said...

فشة قلب مبطنه :)

الله يتقبل الصيام يا رب و يتمملكم على خير قبل ما تنعدي
خليكي زي ما انتي بكرههم هدول اللي بتحولو لخالتوات بعد ﺍﻟﺨﻄﺒﻪ

نيسآان said...

ههههههههههههههه
مزبوط !

رمضان كريم

Finalway said...

هههههههههههههههههههههههههه

للامانه اني ضحكت من قلبي ... اضحك الله سنك ...

هاي رح اطلب تسجيلها في المراجع الطبية للهبل النفسي

The lunatic arabian bride syndrome

هههه

by the way i looooled so hard for the meme

orangee said...

راااائعه والله تحليل واقعي واشي مقرف الله وكيلك أصلا هاي التصرفات تدل على عدم النضوج وقلة العقل :)